नागरिकलाई प्रभावकारी सेवा दिँदै गोकर्णेश्वर नगर हस्पिटल (भिडियो सहित)

काठमाडौंको गोकर्णेश्वर नगरपालिकाबाट सञ्चालित गोकर्णेश्वर नगर हस्पिटलको स्थापना २०७५ सालमा भएपछि यसले २०७६ सालदेखि निरन्तर सेवा दिँदै आइरहेको छ । त्यसयता निरन्तर सेवाहरु विस्तार गर्दै स्थानीय नागरिकलाई सेवा सुविधा प्रदान गर्दै आइरहेको छ । अझै केही स्वास्थ्य सेवाहरु विस्तारको क्रममा समेत रहेका छन् । यो हस्पिटलले अहिले मुख्य ४ ओटा सेवाहरु सामान्य उपचार सेवा, भिडियो एक्सरे, बाल रोग विशेषज्ञ, स्त्रीरोग विशेषज्ञ, फिजिसियन लगायतका सेवाहरु प्रदान गर्दै आएको छ ।

हस्पिटलले आधुनिक ल्यावहरु सञ्चालनमा ल्याएको छ भने एक्स रे, भिडियो एक्स रे, चौबिसै घण्टा आकस्मिक सेवा, भर्ना, बर्थिक सेवा लगायतका इनडोर स्वास्थ्ये सेवा सञ्चालन गरिरहेको छ । नियमित स्वास्थ्य सेवा, परिवार नियोजनका सेवाहरु सञ्चालन भइरहेको छ भने अहिले थप रेविज विरुद्ध सुई दिने कार्यक्रम पनि सञ्चालन भइरहेको हस्पिटलका कार्यालय प्रमुख डा. साङ्बो लामाले जानकारी दिए ।
अहिले अस्पताल पुर्णरुपमा सफ्टवोयर प्रणालीमा गएको र यसको काम लगभग अन्तिम अवस्थामा पुगेको उनको भनाई छ । साथै अब अन्लाईनबाट पनि सेवा सञ्चालन गर्ने तयारी गरिएको छ ।

यो हस्पिटलसँग अहिले १५ सैयाको बेड सञ्चालनमा रहेको छ भने पर्याप्त स्वास्थकर्मी रहेको डा. लामाले जानकारी दिए । साथै उपचार खर्चपनि सहुलियतपूर्ण रहेको उनले बताए ।
डा.लामाले भने–‘विशेषज्ञ ४ जना रहनुभएको छ भने हामी डाक्टरहरु ५ जना रहेका छौ । स्वास्थ्यकर्मीको उपलब्धता प्रयाप्र्त नै रहेको छ । हामीसँग अहिले सरकारले तोकेको ७८ प्रकारका औषधीहरु छन् जुन हामीले निःशुल्क दिईरहेका छौ । जेठ १ गतेबाट स्वास्थ्य विमाको कार्यक्रम सञ्चालन गर्दै छौ । हामीले हरेक सेवाहरुमा शुल्क निर्धारण गरेका छौ तर एकदम कम छ । हामीले बिर, टिचिङ हस्पिटलको भन्दा पनि एकदम कम शुल्कमा नगरका नागरिकले सेवा पाउन भन्ने उदेश्यले शुल्क निर्धारण गरेका छौ । शुल्क तिर्न नसक्ने हरुका लागि निःशुल्क सेवा पनि दिईरहेका छौ ।’

अहिले विशेषज्ञ थप गरेपछि स्थानीयको आकर्षण बढेको उनले बताए ।
उनले भने–‘पहिले यहाँका भन्दा पनि उपत्यका बाहिरबाट यहाँ आएर बस्नुभएका बिरामी आउनुहुन्थ्यो भने अहिले विशेषज्ञ सेवा र थप सेवाको विस्तारपछि स्थानियहरु पनि आईरहनु भएको छ । हामीसँग दैनिक डेस सय देखि २ सय विरामी आईरहेका छन् ।’

अस्पतालको मुख्य समस्याको रुपमा भौतिक पुर्वाधार रहेको छ । आफ्नै विशेष भवन नभएको र जग्गाको समस्या, विविध समस्याले गर्दा भवन बनाउन नसकिएको उनले बताए । २०३२ सालमा हेल्थ पोष्टको रुपमा रहेका विल्डिङलाई हस्पिटलको रुपमा सञ्चालन गरिरहेको लामाले बताए । जसले गर्दा सेवा विस्तार गर्न कठिनाई भएको उनले बताए । यद्यपी तत्कालको सेवा विस्तारका क्रममा छिट्टै दन्त उपचार सेवा र आँखा सम्बन्धी सेवाको विस्तार गर्न लागेको डा.लामाले जानकारी दिए ।
हेर्नुहोस भिडियो :